IJK 2012 NE okazos en Japanio
IJK 2012 NE okazos en Japanio
Esperanto 
日本語
Ĉefpaĝo
[ AMANO Yayoi, la prezidanto de la LKK de IJK68
<
>
30 decembro 2011
Al ĉiuj, kiuj subtenis/helpis nin,
kaj kiuj interesiĝis, pri IJK68 en Japanio 2012
(Ne plusendu. Informoj troviĝas ĉe http://www.ijk2012.org/ )
Mi, (-ino) AMANO Yayoi, la nova prezidanto de la Loka Kongresa Komitato (LKK), decidis la rezignon de la okazigo en Japanio de la 68a Internacia Junulara Kongreso de TEJO (IJK68) en Japanio 2012. Sekvas klarigo pri la cirkonstancoj kaj kaŭzoj, kial ni decidis rezigni la organizadon, kaj pri nia plano por denuna agado.
Japana Esperanto-Junularo (JEJ), aliĝinta al Tutmonda Esperantista Junulara Organizo (TEJO) kandidatiĝis en decembro 2010 por inviti IJK68 en 2012 al Okinavo, Japanio. Kaj la invito estis tuj aprobita de TEJO. JEJ konsistas el 20 membroj (junuloj), sed havas 90 subtenantojn (mondonacantojn). La LKK de IJK68 estis organzita enplektante ankaŭ ne-membrojn de JEJ. Poste la kongresloko estis ŝanĝita al urbo Tenri en gubernio Nara.
En 5 novembro 2011 mi, AMANO, fariĝis la nova prezidanto de la LKK. En LKK unu membro, observante la stagnegon de nepraj laboroj, postulis decidi aŭ rezignon de IJK aŭ ŝanĝon de prezidanto. Kaj LKK havis pertelefonan kunsidon, en kiu ankaŭ mi, AMANO, partoprenis. Rezulte de la kunsido, mi, ĝis tiam estinta ekster LKK, estis aprobita kiel la nova prezidanto kun plena decidrajto pri LKK kaj IJK. Jen ni eklaboris.
Mi kun kelkaj LKK-anoj eklaboris: ekzamenis laborojn faritajn kaj ne-faritajn; konsideris neplenumitan ekzamenadon pri japanaj kondiĉoj farendan antaŭ ol kandidatiĝi; analizis la nombron kaj la nunan staton de japanaj junaj esperantistoj; konkrete listigis de nun farendajn laborojn; serĉis pli taŭgajn ejojn kaj negocis la kondiĉojn ktp.
Surbaze de la kolektitaj dokumentoj kaj informoj, mi serioze rekonsideris nian povon.
Kaj fine mi juĝis, ke dekomence ni absolute ne havas la kapablon organizi IJK en Japanio, je ĉio: je lingvokapablo, je sperto organizi eventon, je socia scio k.a.
En septembro, antaŭ ol mia prezidantiĝo, TEJO mesaĝis al la LKK, ke la kongresloko kaj kongresejo havas maloportunon, sed la opinio de TEJO ne estis kundividita eĉ inter LKK-anoj.
Konsidere al supre menciitaj faktoroj, la rezigno de IJK68 en Japanio 2012 estis proponita de mi, AMANO, al LKK en 22 decembro 2011. Kaj la plejparto de LKK estis POR la propono. (POR 7; KONTRAŭ 2; SENRESPONDO 1)
Mi decidis rezigni IJK kaj informis pri tio al TEJO. ĝia estraro traktis la temon senprokraste, kaj vespere en 26 decembro (laŭ la japana tempo) ni ricevis la mesaĝon de TEJO, ke nia rezigno estis aprobita. Samtempe depeŝa anonco pri tio aperis sur la ttt-ejo de TEJO <http://www.tejo.org/eo/node/1405>.
Neniel NI forĵetis la deziron organizi IJK en Japanio. Male. NI rekomencos la laboron por realigi IJK post 2-3 jaroj.
Ankaŭ TEJO pretas akcepti prioritate nian estontan kandidatiĝon.
LKK ankoraŭ ne plenumis jenojn nepre farendajn antaŭ ol kandidatiĝi por juĝi, ĉu ni kapablas organizi IJK, kaj konsideri, kia estu IJK en Japanio.
<Preparo kaj ekzameno antaŭ ol la kandidatiĝo>
lingvokapablon de LKK-anoj kaj de junuloj en Japanio kaj por fortigi organizan solidarecon. (Pro granda diferenco inter Japanio kaj Eŭropo je lingvo, vivmaniero, moroj, sociaj reguloj k.c., kiam oni organizas internacian eventon en Japanio, japanoj devas klarigi ĉion ekzakte. Tiuspeca laboro postulas bonan lingvokapablon)
Kaj aliaj.
<Post la aprobo de TEJO>
Kaj aliaj.
Cele al la organizado de IJK post 2-3 jaroj NI planas jenajn agadojn.
Mi, AMANO persone, opinias, ke vera preparado baziĝas sur plano sufiĉe ellaborita kaj ĝia plenumo certa.
Estas tre bedaŭrinde, ke en ĉi tiu momento ni havas nenian konkretan planon por prepari IJK68 en Japanio 2012.
Eventuale IJK povus okazi per la manoj de amaso da helpemaj eksjunuloj en la japana Esperantio. Sed ĉu ni vere rajtus neglekti la aliajn flankojn de la okazigo de IJK?
Plie, el la vidpunkto de japanaj organizantoj, tia IJK ne povus lasi al ni la plej gravajn fruktojn:
kion lerni en la laboro prepara kaj organiza
kion akiri por estonto de la movado.
Kongreso daŭras nur kelkajn tagojn. Se ni preparus haste la kongreson sen sufiĉa pripensado, ni ne akirus fruktojn.
Kaj tiel ni perdus junulojn lacigitajn de la kongresaj laboroj.
ĉe la fino ni elkore petas pardonon de vi ĉiuj, kiuj bonvolis subtenadi nin je diversaj rimedoj kaj okazoj, kaj kiuj deziris ĝui IJK en Japanio 2012.
Ni ekagos por plenumi necesajn laborojn por realigi IJK en Japanio post 2-3 jaroj.
Por la IJK68 en Japanio 2012 ni ricevis viajn subtenojn inkluzive de financaj. Ni esperas, ke vi bonvolus daŭrigi vian subtenadon cele al la realigo de IJK post 2-3 jaroj.
Kun sinceraj pardonpetoj kaj elkoraj dankoj
AMANO Yayoi ]
Karaj,
Mi estas Amano Yayoi, prezidanto de la LKK de IJK2012. Mi bedaŭras anonci, ke ni decidis rezigni la okazigon de IJK2012 en Japanio.
Antaŭ unu monato mi transprenis la taskon de la prezidanto de la LKK. En ekzamenado pri faritaj preparoj, denunaj nepraj laboroj kaj la nombro kaj stato de japanaj junaj esperantistoj ni rimarkis, ke ni tute ne kapablas inviti IJK kaj je lingvo-nivelo kaj je scio pri organizado.
Kiam mi konsiliĝis kun TEJO pri la situacio kaj pri la deziro rezigni IJK en Japanio, ili komprenis nian situacion kaj akceptis la decidon rezigni.
La informo jam aperis en la ttt-ejo de TEJO:
http://www.tejo.org/eo/node/1405
Ni de nun strebos vigligi junularan movadon en Japanio celante povi inviti IJK post kelkaj jaroj. Ankaŭ TEJO pretas doni prioritaton al nia estonta kanditaĝiĝo.
Ni planos havi kunloĝadojn kaj aliajn eventojn por trejni nin pri organizado kaj ankaŭ havi okazojn por interkomunikiĝi kun diversaj esperantistoj.
Detalaj klarigoj sekvos post kelkaj tagoj.
Pardonpetante pro la malĝojiga anonco kaj dankante pro via kunlaboro,
AMANO Yayoi
Popolanoj Ligitaj per Interreto
En la 11-a de marto, 2011, okazis granda tertremo kaj cunamo en Japanio. Pli ol 15.000 homoj mortis pro la cunamo. Kaj nun, en julio, ankoraŭ oni ne trovas pli ol 5.000 homojn.
Ankaŭ nuklea katastrofo okazis pro la cunamo kiel vi scias. Pro tiu ĉi katastrofo multaj homoj ne povas daŭre loĝi en sia loko kaj nun rifuĝe loĝas.
Sed tamen ni bonvenigos vin al Japanio. Ni vivas kaj vivos en Japanio. Ni amas nian lokon samkiel vi amas vian lokon. Ni promesas gardi vian sekurecon. Ni certigos, ke vi pasigos ĝojan tempon en Japanio. Renkontu nin kaj vivu kun ni en Japanio!
22-a de novembro, 2011
Ni alŝutas fotojn kaj klarigon de kongresa loĝejo.
21-a de aŭgusto, 2011
La oficiala temo de 68-a IJK estas decidita. Ĝi estas "Popolanoj Ligitaj per Interreto".
24-a de julio, 2011
Ni lanĉas la simbolan markon de 68-a IJK, kiun vi vidas plej supre de tiu ĉi paĝo. La simbolon desegnis sinjorino NUMATA Jasuka. Ekde nun ni uzos la markon en diversaj okazoj.
Ia-opinie, la originalo de la Kongresa simbolo devenas de la antikvega ĉina ideografiaĵo 
(stelo). Origine ĝi konsistas el du partoj, nome, 
(lumoj) kaj 
(elkresko deplanto). La simbolo representas la kvin kontinentojn 
, vivantajn kaj brilanatajn kvazaŭ plantoj , kiuj kreskas ĉiam pli kaj pli supren. Aldone tiŭ ĉi simbolo ligiĝas kun la verda stelo, kies kvin pintoj simbolas kvin kontinentojn.
29-a de junio, 2011
Ni komencis tviteron twitter pere de propra konto. Niaj papaĵoj aperas ankaŭ en maldekstra skatolo en tiu ĉi paĝo. Bonvolu sekvi min.
19-a de junio, 2011
Ni klopode serĉis taŭgan lokon pri kongreso en Okinavo, sed ni ne trovis ĝin. Ĉar la Okinavo estas fama ripozejo kaj tie generala prezo estas multekosta precipe pri la domo por tranokti. Ni decidis rezigni pri Okinavo, kaj anstataŭe elktas la urbon Tenri-n kiel novan lokon. Tenri troviĝas proksime de la urbo Nara, la malnovega - antaŭ 1.300 jaroj - ĉefurbo de Japanio. Pri Tenri vi scipovas en "Kongresa Loko" kaj anakaŭ en Vikipedio.
Samtempe ni decidis datojn inter 5-a kaj 12-a de aŭgusto, 2012 por la kongreso.
kontakto: 
Japana Esperanto-Junularo