Kongresejo

La kongresejo troviĝas en la urbo Tenri, la gubernio Nara. La nomo de la kongresejo estas la Loĝejo por kredantoj de Tenrikjo en Aboŝi ( Tenrikjo Aboŝi Daikjokai Ŝinĝa Cumeŝo). La adreso kaj telefon-numero estas:

Saŝijanagi-ĉo 432, Tenri-ŝi, Nara ()
tel: 0743-62-3963 (de ekster japanujo vi enmetu landan numeron 81 en la kapo kaj forigu unua 0. Do, +81-743-62-3963 )

Estas preta la bildkarto de la adreso en japanlingvo pere de jpeg por presi kaj uzi.

Aspekto de kongresa loĝejo

Jen estas fotoj kaj klarigo de kongresa loĝejo.

Atingi Japanion

La plej proksima internacia flughaveno estas Kansai (kodo KIX), kun multaj flugoj el la tuta mondo. Ni prezentas ekzemplon veni tien de Hanojo, la vjetnama kongresurbo de la UK 2012. Rekta flugo de Hanojo al la flughaveno Kansai iras ĉiutage kaj bezonas 4 horojn kaj duono. Diversaj transflugoj ĉe Tajvano, Honkongo, Seulo kaj tiel plu estas, kaj bezonas 8 ĝis 9 horojn.

De la flughaveno Kansai al la kongresejo

La facila maniero bezonas tri ŝtupojn. Unue iru al la urbo Nara, due al la urbo Tenri, kaj fine al la Kongresejo.

1. Veturu per aŭtobuso de la flughaveno Kansai ĝis la stacio JR Nara (La vorto "JR" signifas Japanan Relvojon). Ĝi kostas 2000 enojn, kaj bezonas proksimume 90 minutojn. Kaptu la aŭtobuson ĉe la bushaltejo N-ro 9 de la flughaveno.
2. De la stacio JR Nara ĝis la stacio JR Tenri, vi veturu per trajno sur la linio Sakurai, alinome linio Man-jo Mahoroba. Ĝi kostas 200 enojn, kaj bezonas 13 minutojn.
3. De la stacio JR Tenri ĝis la kongresejo iru piede por 7 minutoj.

Utilaj paĝoj

• Kansai Internacia Flughaveno (skribita angle)
  • Serĉilo de flugoj al la flughaveno Kansai (skribita angle)
  • Mapo de bushaltejoj en la flughaveno Kansai (skribita angle)
• Horaro de la aŭtobuso (skribita japane kaj angle)
• La blogo de Aboŝi Preĝejo de Tenrikjo (skribita japane)

La mapo por 68-a IJK

Japana Esperanto-Junularo